ახალგაზრდა გოგონა , პოკოტის ტომის გაერთიანების წევრი , ცდილობს გაექცეს მამის მიერ დაგეგმილ იძულებით ქორწინებას .
კენიის სოფელში , მშობლები ქალიშვილებს ადრეულ ასაკში ათხოვებენ . ოჯახების უმეტესობა , გოგონებს მოულოდნელად , ყოველგვარი გაფრთხილების გარეშე აქორწინებს , რადგან ეშინიათ რომ ისინი სახლიდან არ გაიქცნენ .
მრავალსაუკუნოვანი ტრადიციის თანახმად , მომავალი ქმარი მიდის გოგონას სახლში და თან ახლავს მამაკაცების ჯგუფი . ამდენი ადამიანი მზითვის წამოსაღებადაა საჭირო . ეს ყველაფერი ამ კონკრეტული ფაქტის შემთვევაში ასე გამოიყურება – 20 თხა , 3 აქლემი და 10 ძროხა .
როდესაც მზითვი ოჯახმა ჩაიბარა , ქალიშვილი საქმროს გაატანეს და მეუღლემაც თავის სახლში წაიყვანა .
მანამ , სანამ ვაჟი დაქორწინდება გოგონაზე , ამ უკანასკნელმა უნდა გაიაროს რიტუალი , რათა აღნიშნონ მისი მომავალი ასაკი . ( მაგალითად , თუ გოგონა რეალურად 13 წლისაა , ცერემონიაზე ახალ წლოვანებას უწესებენ , შესაძლოა ეს იყოს 17 , 18 , 19 ან სულაც 20 წელი . ) ქორწინება ასევე რიტუალის დღეს ხდება .
გასათხოვებლად დანიშნული გოგონები ერთი თვის განმავლობაში მამაკაცებს არ ნახულობენ , რიტუალამდე ერთი კვირით ადრე კი ყველასაგან იზოლირებული არიან ერთ პატარა ქოხში . თავზე ფერადი ქსოვილებისგან დაწნულ ქუდს იხურავენ და ტყავით იმოსებიან .
რიტუალში ასზე მეტი გოგონა იღებს მონაწილეობას , რომელიც იწყება საღამოს და გრძელდება მომავალ დილამდე . გოგონები სწორ ხაზზე ეწყობიან , წრეზე დადიან და მღერიან მთელი ღამის განმავლობაში .
პოკოტის წევრი მამაკაცი და ქალები გოგონას გატაცებას უცქერენ .
კაცს ძალით მიჰყავს ქალიშვილი გასათხოვებლად .
გოგონა ტირის .
პოკოტის წევრი გოგონები ტრადიციულ მორთულობაში რიტუალის დროს .
ტომის წევრი ქალები და კაცები ერთად ცეკვავენ ცერემონიაზე .
და აი ცერემონიაც დაიწყო . დღეიდან გოგონები ქალებად გარდაიქმნებიან და მათი ცხოვრება სხვა ასპექტში გადაინაცვლებს .
კომენტარები