ბევრ მორწმუნეს აინტერესებს – შეიძლება თუ არა ეკლესიაში, ღვთისმსახურების დროს ჩამოჯდომა. სხვათა შორის, ამ კითხვას ერთმა მღვდელმთავარმა ასე უპასუხა: „უმჯობესია, დამჯდარმა იფიქრო ღმერთზე, ვიდრე ფეხზე მდგომმა ფეხებზე“.
რეალურად, ღვთისმსახურების წესები არც კათოლიკეებს და არც მართლმადიდებლებს მთელი მსახურების განმავლობაში ფეხზე დგომას არ სთხოვს. ეს აუცილებელია მხოლოდ ღვთისმსახურების მიმდინარეობისას განსაკუთრებულ მომენტებში: სახარებიდან მონაკვეთების ან ლიტურგიის მთავარი ლოცვების კითხვის დროს. მიუხედავად ამისა, ქართულ ეკლესიებში, სადაც ღვთისმსახურების დროს ფეხზე დგომაა მიღებული, ჩამომჯდარ ადამიანს იშვიათად შეხვდებით. თუმცა, მაგალითად, საბერძნეთის მართლმადიდებლურ ტაძრებში დგას სკამები დაჯდომის მსურველთათვის.
კომენტარები