ვენის მუზეუმში ფიროსმანის ნამუშევრები გამოიფინება

ეროვნული მუზეუმის ადმინისტრაციის ცნობით, გამოფენა, სახელწოდებით NIKO PIROSMANI – A Wonderer Between Worlds 2018 წლის 26 ოქტომბრიდან 2019 წლის 27 იანვრამდე გაგრძელდება.

გამოფენაზე წარმოდგენილი იქნება მხატვრის 29 ნამუშევარი საქართველოს ეროვნული მუზეუმის, შალვა ამირანაშვილის სახელობის ხელოვნების მუზეუმის კოლექციიდან.

პროექტის ფარგლებში, ალბერტინას მუზეუმში, ასევე პირველად გამოიფინება ცნობილი იაპონელი არქიტექტორის, ტადაო ანდოს მიერ სპეციალურად შექმნილი მაგიდა, რომელიც ნიკო ფიროსმანაშვილის ხსოვნას ეძღვნება.

გამოფენის მთავარი მიზანია მხატვრის შემოქმედებისა და ქართული კულტურული მემკვიდრეობის ფართო საზოგადოებისთვის გაცნობა.

31 აგვისტოს ცნობილი გახდა, რომ ფიროსმანის შემოქმედების შესახებ ფრანგულად წიგნი გამოიცა.