სინგაპურის ხელისუფლებამ სისხლის სამართლის კოდექსში ცვლილება შეიტანა, რომლის მიხედვით ინტერნეტ-თაღლითებს გაროზგვა ემუქრებათ. ამის შესახებ The Washington Post იუწყება.
ეს სასჯელი გათვალისწინებულია არა მარტო დანაშაულის ორგანიზატორებისა და შემსრულებლების მიმართ, არამედ მათი თანამოაზრეების მიმართ, რომლებიც ხელს უწყობენ თაღლითურ ოპერაციებს. გაროზგვა შეიძლება თავიდან აიცილონ პატარა გოგოებმა, ქალებმა და 50 წელს გადაცილებულმა კაცებმა.
გაროზგვისთვის გამოყენებული იქნება დრეკადი ჯოხები, რომელთა სიგრძეა 60-120 სმ და სისქე 4-13 მმ-ია. ის როტანგისა და ბამბუკისგან არის დამზადებული. გაროზგვის წინ დამნაშავე სამედიცინო შემოწმებას გაივლის. მათ 6-დან 24-მდე როზგი ემუქრებათ.
გამოცემის ცნობით, 2025 წლის პირველ ნახევარში სინგაპურში ინტერნეტთაღლითობის ათიათასობით შემთხვევა დაფიქსირდა. გამოცემის, Straits Times-ის ცნობით, ბოროტმოქმედებისგან საერთო ზარალმა 2020 წლიდან 3,88 მლრდ დოლარი შეადგინა.
დატოვეთ კომენტარი