აფხაზი დიპლომატები არაორდინარული პიროვნებები არიან და მათ სახელმწიფოებრივი აზროვნება გააჩნიათ. ამის შესახებ ე.წ. სამხრეთ ოსეთის დე ფაქტო საგარეო საქმეთა მინისტრმა ახსარ ჯიოევმა განაცხადა. ინფორმაციას სააგენტო „რესი “ ავრცელებს.
ჯიოევმა მისალოცი წერილი გაუგზავნა სოხუმელ „კოლეგას“ ოლეგ ბარციცს და მას ოკუპირებული აფხაზეთის ე.წ. საგარეო საქმეთა სამინისტროს დაარსების 32 წლის იუბილე მიულოცა.
„ამ კეთილშობილურმა პროფესიამ საგარეო პოლიტიკურ უწყებაში სახელმწიფოებრივი აზროვნების მქონე არაორდინარული პიროვნებები და თავისი ქვეყნის ნამდვილი პატრიოტები გააერთიანა. დღეს, მსოფლიოში არსებული ურთულესი მდგომარეობის მიუხედავად, აფხაზეთის საგარეო პოლიტიკური უწყების თანამშრომლები ღირსებით იცავენ თავისი სახელმწიფოს ინტერესებს მთელ მსოფლიოში და ამის მიზანია მშვიდობა, კეთილმეზობლობა, მისი დამოუკიდებლობის განმტკიცება“, – განაცხადა ჯიოევმა.
