საფრანგეთის პრეზიდენტმა ემანუელ მაკრონმა ევროპელ ლიდერებსა და თეთრი სახლის ხელმძღვანელ დონალდ ტრამპს შორის გამართული სატელეფონო საუბრის დეტალები გაამხილა.
როგორც მაკრონმა აღნიშნა, საუბრის დროს მან აღშფოთება გამოთქვა იმის გამო, რომ რუსეთმა ცეცხლის შეწყვეტის წინადადებას არ უპასუხა.
„პრეზიდენტ ტრამპთან განვიხილეთ, რომ მიუღებელია, რომ რუსეთი არ რეაგირებს ამერიკელების მოთხოვნებზე, რომლებსაც მხარს უჭერენ უკრაინა და ევროპელები, არც ცეცხლის შეწყვეტის შესახებ და არც ლიდერების დონეზე შეხვედრის შესახებ“, – ხაზგასმით აღნიშნა საფრანგეთის პრეზიდენტმა.
მან დასძინა, რომ ევროპელები ახლა ცდილობენ, დაარწმუნონ შეერთებული შტატები, შეუერთდეს რუსეთის წინააღმდეგ ახალ სანქციებს, რათა კრემლის მმართველ ვლადიმერ პუტინზე ზეწოლა გაზარდონ.
