„მომხრე ვარ, რომ პაატა ბურჭულაძემ, როგორც ცესკო-ს თავმჯდომარემ, ტელეფონებით პარალელური არჩევნები ჩაატაროს“, – განაცხადა პარტია „ხალხის ძალის“ აღმასრულებელმა მდივანმა გურამ მაჭარაშვილმა, რითაც გამოეხმაურა ბურჭულაძის განცხადებას, რომ ის ტელეფონებით ალტერნატიული არჩევნების ჩატარებას სექტემბრისთვის ვარაუდობს.
„ალბათ, ცალკე ტელეფონების განყოფილების უფროსს დანიშნავენ, რომ გადაამოწმონ, ვინ ვის დაუჭირა მხარი. საინტერესოა, როგორ ჩაატარებს ბურჭულაძე არჩევნებს ტელეფონით და „ნაცმოძრაობა“, მასთან დაკავშირებული პარტიებთან ერთად, ამ არჩევნებში როგორ მიიღებენ მონაწილეობას? ალბათ, შემდეგ შედეგებზე პრობლემა ექნებათ. ალბათ, იმასაც მნიშვნელობა ექნება, ვინ რომელი ტელეფონით დარეკა“, – აღნიშნა მაჭარაშვილმა.
ოპოზიცია პაატა ბურჭულაძესთან ერთად, არჩევნების ტელეფონით ჩატარებას სერიოზულად განიხილავს. ამ საკითხზე ბურჭულაძემ შეხვედრაც გამართა. „ნაციონალურ მოძრაობას“ ინიციატივა მოსწონს, „ლელოს“ კი სხვა იდეები აქვს.
