ერთი მუჭა მოღალატეები და შულავერის კომიტეტები, სამწუხაროდ, ყოველთვის იყო საქართველოში, – განაცხადა პარლამენტის საპროცედურო საკითხთა და წესების კომიტეტის თავმჯდომარემ დავით მათიკაშვილმა.
დეპუტატი 17 მაისს ოჯახის სიწმინდისა და მშობლების პატივისცემის აღსანიშნ ღონისძიებაზე ოპოზიციის არ დასწრებას გამოეხმაურა.
„ჩვენ ვისურვებდით, რომ ეს მცირე ადამიანებიც კი არ დარჩნენ ამ დიდი დღესასწაულის მიღმა და ყველამ გაიაზროს, რაოდენ მნიშვნელოვანია ერთიანობა, გაერთიანება ოჯახური და ტრადიციული ღირებულებების გარშემო. სამწუხაროდ, საქართველოში ღალატი მუდამ იყო და დღესაც ადამიანების მცირე ჯგუფი იმავე ქცევითაა დაკავებული, რასაც თავის დროზე ორჯონიკიძე და შულავერის კომიტეტი აკეთებდა“, – განაცხადა დავით მათიკაშვილმა.
დატოვეთ კომენტარი