ხიჭაურის საჯარო სკოლაში გალაკტიონ ტაბიძის შემოქმედებისადმი მიძღვნილი ღონისძიება გაიმართა. აღნიშნულის შესახებ ინფორმაციას შუახევის მერია ავრცელებს.
მერიის ცნობით, მოსწავლეებმა წარმოადგინეს ლიტერატურული კომპოზიცია, წაიკითხეს ლექსები და ისაუბრეს პოეტის ბიოგრაფიასა და მისი პოეზიის მნიშვნელობაზე.
ღონისძიების ფარგლებში შედგა სკოლის მუსიკალური ბენდის პრეზენტაციაც, რომელიც აჭარის განათლებისა და სპორტის სამინისტროსა და შუახევის მერიის მხარდაჭერით შეიქმნა.
ღონისძიებას ესწრებოდა შუახევის მერი, ომარ ტაკიძე, რომელმაც მოსწავლეებს წარმატებები უსურვა და მსგავსი ლიტერატურული და კულტურული ღონისძიებების მნიშვნელობაზე ისაუბრა.
დატოვეთ კომენტარი