გრენლანდიისა და ანტარქტიდის გიგანტური ყინულოვანი ფენების ყინულის დანაკარგი 1990-იანი წლებიდან დღემდე, 4-ჯერ გაიზარდა. მეცნიერები აცხადებენ, რომ ზღვის დონის აწევა „კატასტროფულ შიდა მიგრაციას“ გამოიწვევს და მილიონობით ადამიანს აიძულებს სანაპიროებიდან მოშორებით დასახლდნენ. გლობალური დათბობის ტენდენცია შენარჩუნდება მაშინაც კი, თუ ტემპერატურა, ყოველწლიურად, 1.5 გრადუსზე ნაკლებს მოიმატებს.
საერთაშორისო საზოგადოების მიზანი, რომ ტემპერატურა 1.5 გრადუს ცელსიუსზე დაბლა შეინარჩუნოს, უკვე, თითქმის მიუღწეველია. ახალმა კვლევამ აჩვენა, რომ ზღვის დონე, საუკუნის ბოლოსთვის, 1 სმ-ით მოიმატებს. „ეს პროცესი იმაზე სწრაფი იქნება, ვიდრე ერები სანაპირო დაცვის აშენებას შეძლებენ“, – აცხადებენ მკვლევრები. ინფორმაციაზე The Guardian წერს.
ამ ეტაპზე, მსოფლიო 2.5C-2.9C-ით მატების გზაზეა, რაც თითქმის დანამდვილებით შეიძლება ითქვას, რომ გრენლანდიისა და დასავლეთ ანტარქტიდის ყინულის ფენების დნობას გამოიწვევს. მეცნიერები აღნიშნავენ, რომ პროცესის შედეგად, ზღვის დონე 1-2 მეტრით აიწევს.
დღესდღეობით, დაახლოებით 230 მილიონი ადამიანი ცხოვრობს ზღვის ამჟამინდელი დონიდან 1 მეტრის რადიუსში, ხოლო 1 მილიარდი – ზღვის დონიდან 10 მეტრის რადიუსში. 2050 წლისთვის ზღვის დონის 20 სმ-ით მატებაც კი, მასშტაბურ წყალდიდობებს გამოიწვევს, რაც მინიმუმ, მსოფლიოს უდიდეს 136 სანაპირო ქალაქს 1 ტრილიონი დოლარის ზარალს მოუტანს, რაც, რა თქმა უნდა, გავლენას მოახდენს ადამიანების ცხოვრების ხარისხსა და საარსებო წყაროებზე.
დატოვეთ კომენტარი