რუსეთის საგარეო საქმეთა მინისტრს სერგეი ლავროვს ერევანში საპროტესტო აქციით დახვდნენ. აქცია სომხეთის საგარეო საქმეთა სამინისტროსთან გაიმართა, სადაც სერგეი ლავროვის და მისი სომეხი კოლეგის, არარატ მირზოიანის შეხვედრა მიმდინარეობდა. ინფორმაციას „ეხო კავკაზა“ ავრცელებს.
აქცია დასავლეთთან სომხეთის დაახლოების მომხრე პოლიტიკური ძალების აქტივისტებმა მოაწყვეს. მათ ლავროვის და ვლადიმერ პუტინის ფოტოები ეჭირათ წარწერით „მკვლელები“.
პოლიციამ აქციის მონაწილეებს საგარეო საქმეთა სამინისტროს მიმდებარე ტერიტორიის დატოვება და სხვა ადგილზე გადასვლა მოსთხოვა. ამის შემდეგ სამართალდამცველებმა ძალა გამოიყენეს და აქციის მონაწილეები ქუჩის მეორე მხარეს გადაწიეს.
სერგეი ლავროვი სომხეთში 20 მაისს ჩაფრინდა. მირზოიანის გარდა, ლავროვი სომხეთის პრემიერ-მინისტრს ნიკოლ ფაშინიანს და პრეზიდენტს ვააგნ ხაჩატურიანს შეხვდა.
დატოვეთ კომენტარი