აშშ-ის პრეზიდენტის უფროსი შვილი დონალდ ტრამპ უმცროსი არ გამორიცხავს, რომ ერთ დღესაც, საპრეზიდენტო არჩევნებში მიიღოს მონაწილეობა.
კატარში გამართულ შეხვედრაზე, ერთ-ერთმა წარმომადგენელმა 47 წლის ტრამპ უმცროსს კითხვა დაუსვა, იყრიდა თუ არა კენჭს და „აიღებდა თუ არა მართვის სადავეებს“ მამამისის თანამდებობიდან წასვლის შემდეგ, რაზეც ასეთი პასუხი მიიღო: „რატომაც არა, ეს მოწოდება არის ჩემში, ყოველთვის ძალიან აქტიურად ვიყავი ამერიკის პოლიტიკურ ცხოვრებაში ჩართული“.
დონალდ ტრამპ უმცროსი აღნიშნავს, რომ უფროსი ტრამპის მიერ შექმნილი კონცეფცია „Make America Great Again“ მას ძალიან ხიბლავს და ამ ფაქტით, ამაყობს კიდეც. „ვფიქრობ, მამაჩემმა, ნამდვილად, შეცვალა რესპუბლიკური პარტია და პირველად, ისტორიაში ქვეყანას ჰყავს ნამდვილი მებრძოლების ჯგუფი, რომელთათვისაც მნიშვნელოვანია „ამერიკა, პირველ რიგში““, – აღნიშნა დონალდ ტრამპ უმცროსმა.
აღსანიშნავია, რომ დონალდ ტრამპ უმცროსი დამოუკიდებლად ჩამოყალიბდა პოლიტიკურ ძალად. ნოემბერში, Reuters-ის მიერ გავრცელებულ ინფორმაციაში აღნიშნულია, რომ ის ყველაზე გავლენიანი წევრია ტრამპების ოჯახის. აშშ-ის პრეზიდენტი, რომელიც, როგორც ამბობენ, ძალიან აფასებს ერთგულებას, უკვე დიდი ხანია რჩევებისთვის სწორედ, საკუთარ ოჯახის წევრებს მიმართავს. მათ შორის კი, ყველაზე მეტად, უფროს შვილს ენდობა.
როგორც ამბობენ, დონ უმცროსი ხშირად იღებს ინიციატიავას კაბინეტის წევრების წინ წამოწევასა თუ დაბლოკვაზე. მაგალითად, წყაროები აცხადებენ, რომ ჯეი დი ვენსის კანდიდატურას სწორედ, მან დაუჭირა მხარი, ისევე, როგორც ამერიკის ყოფილი სახელმწიფო მდივნის მაიკ პომპეოს კაბინეტში გაწევრიანების უარყოფას.
დატოვეთ კომენტარი