თეთრი სახლის ლიდერი დონალდ ტრამპი ამერიკულ კომპანია Apple-ს მოუწოდებს iPhone-ები შეერთებულ შტატებში აწარმოოს, წინააღმდეგ შემთხვევაში 25%-იანი ტარიფების დაწესებით ემუქრება. ამის შესახებ ამერიკული მედია იტყობინება.
ტრამპმა სოციალურ ქსელ Truth Social-ზე აღნიშნა, რომ აშშ-ში გაყიდული iPhone-ები მხოლოდ აშშ-ში უნდა იყოს დამზადებული და არსად სხვაგან.
„მე დიდი ხნის წინ ვაცნობე Apple-ის წარმომადგენელ ტიმ კუკს, ველოდები რომ მათი iPhone-ები, რომლებიც ამერიკის შეერთებულ შტატებში გაიყიდება, შეერთებულ შტატებშივე იქნება წარმოებული და არა ინდოეთში ან სხვაგან“, – განაცხადა დონალდ ტრამპმა.
როგორც ცნობილია, ეს არ არის პირველი შემთხვევა, როდესაც აშშ-ის პრეზიდენტი სხვა ქვეყნებში iPhone-ის წარმოებაზე საუბრობს.
დონალდ ტრამპმა აქამდეც მოუწოდა Apple-ის აღმასრულებელ დირექტორს, არ გააფართოოს სმარტფონების წარმოება ინდოეთში, კომპანიის გეგმის მიუხედავად.
თავის მხრივ, Apple-მა, ბოლო წლებში ინდოეთში გაფართოების კუთხით მნიშვნელოვანი ნაბიჯები გადადგა.
