ინდოეთის ფინანსურ დედაქალაქ, მუმბაის, წყალდიდობა დაატყდა თავს. წყალდიდობა ძლიერმა წვიმებმა გამოიწვია. ამის შესახებ CNN იუწყება.
წყალმა ქალაქის ქუჩები დაფარა და ცოტა ხნის წინ გახსნილი მეტროს სადგური დატბორა.
მუსონების სეზონი ინდოეთში, როგორც წესი, ივნისის ბოლოს იქნება და სექტემბრამდე გრძელდება. წვიმები აუცილებელია მოსავლისთვის და ინდოეთის წყალსაცავების შესავსებად. წელს ეს სეზონი დროზე ადრე დაიწყო და ყველაზე მეტად 12-მილიონიანი ქალაქი მუმბაი დაზარალდა.
ინდოეთის მეტეოროლოგიური დეპარტამენტის ცნობით, 26 მაისს მოსული წვიმა ყველაზე ძლიერია 1950 წლიდან. მეტეოროლოგები მომდევნო დღეებში კვლავ ძლიერ წვიმებს პროგნოზირებენ. უხვი ნალექი მოვიდა, ასევე, ინდოეთის დედაქალაქ ნიუ-დელიში და ქვეყნის სამხრეთ ნაწილში მდებარე კერალას შტატში.
დატოვეთ კომენტარი