თურქეთის საგარეო საქმეთა მინისტრი ჰაკან ფიდანი აცხადებს, რომ უკრაინის ნატოში წევრობასთან დაკავშირებით ჩრდილოატლანტიკური ალიანსის შიგნით არსებობს განსხვავებული ხედვები და არ არსებობს კონსენსუსი. აღნიშნული საკითხი კიევში უკრაინის საგარეო საქმეთა მინისტრმა ანდრეი სიბიგამ და თურქეთის საგარეო საქმეთა მინისტრმა ჰაკან ფიდანმა ერთობლივ პრესკონფერენციაზე განიხილეს.
„ნატოს საკითხი უკრაინის კონტექსტში არის ნატოს შიგნით განხილვის თემა, რომელიც დიდი ხანია მიმდინარეობს. არსებობს სხვადასხვა ხედვა და პარამეტრი, განსაკუთრებით ომის გაგრძელების რეალობის გათვალისწინებით, ამ საკითხთან დაკავშირებით, ნატოს შიგნით არ არსებობს კონსენსუსი და წევრ ქვეყნებს განსხვავებული მიდგომები აქვთ“, – თქვა ფიდანმა.
