ბზობის დღესასწაულების მოახლოებასთან ერთად, ქვეყანაში ბზის მოჭრაზე კონტროლი მკაცრდება. გარემოს დაცვისა და სოფლის მეურნეობის სამინისტრო მოსახლეობას აფრთხილებს, რომ მცენარის მოჭრა, ამოძირკვა, ან ტოტების დაზიანება დასჯადი ქმედებაა.
ეროვნული სატყეო სააგენტო კი ყველას ახსენებს, რომ კოლხური ბზა “წითელი ნუსხით” დაცული სახეობაა და მცენარის შეძენა მხოლოდ კერძო სანერგეებიდან ან ხელოვნურად გაშენებული პლანტაციებიდან არის შესაძლებელი, რაზედაც შესაბამისი ცნობა უნდა გაიცეს.
