ცოტა ხნის წინ ცნობილი გახდა მშენებლობის დასრულების სავარაუდო ვადა — 2027 წელი. მრავალწლიანი დაგვიანებების შემდეგ დაიწყო ქანდაკების პოსტამენტის მშენებლობა ატისის მთაზე. ეს მწვერვალი, რომლის სიმაღლე 2528 მეტრია, მდებარეობს ერევნიდან დაახლოებით 30 კილომეტრში ჩრდილო-აღმოსავლეთით.
ქანდაკების მთის წვერზე განთავსების შესახებ პირველად 2022 წლის იანვარში გამოცხადდა. მოქანდაკე პროექტზე ორი წელია მუშაობს. მისი თქმით, კვარცხლბეკთან ერთად, კონსტრუქციის სიმაღლე 95 მეტრი იქნება. თეთრი საღებავით დაფარული ალუმინის ქანდაკება კი 17-20 ტონას იწონის.
იდეა ბიზნესმენსა და პოლიტიკური პარტია აყვავებული სომხეთის ლიდერს გაგიკ წარუკიანს ეკუთვნის.
“ასე შევძლებთ, მთელ მსოფლიოს ვაჩვენოთ, რომ ვართ პირველი ქრისტიანული ერი დედამიწაზე. ეს ქანდაკება ჩვენი ქვეყნისა და ხალხის დამცველი უნდა გახდეს”, — თქვა წარუკიანმა ჟურნალისტებთან.
