ირანის საზღვაო ფლოტი მზადაა, მტრებს ახალი მწარე მარცხი აგემოს, – ირანის სახელმწიფო ტელევიზიის ცნობით, ამის შესახებ ირანის სულიერმა ლიდერმა, მოჯთაბა ხამენეიმ განაცხადა.
ხამენეიმს განცხადებით, ირანის არმია წინ აღუდგა შეერთებული შტატების, ფეჰლავის რეჟიმის ნარჩენებისა და სეპარატისტების ბოროტ გეგმებს, რომლებსაც ირანის დაშლა სურდათ.
„ისლამის არმია ახლა, როგორც წინა ორ თავსმოხვეულ ომში, მამაცურად იცავს წყლებს, მიწას და დროშას, რომელიც მას ეკუთვნის. ძლიერ ღვთაებრივ და სახალხო მხარდაჭერაზე დაყრდნობით, შეიარაღებული ძალების სხვა მებრძოლებთან ერთად, კომპაქტურ და მყარ რიგებში დგას, ებრძვის ურწმუნოებისა და ამპარტავნების ფრონტს და მსოფლიოს თვალწინ აშიშვლებს მათ სისუსტესა და დამცირებას. ისევე, როგორც მისი დრონები ელვასავით ესხმიან თავს ამერიკელ და სიონისტ დამნაშავეებს. ირანის მამაცი ფლოტი მზადაა, მტრებს ახალი დამარცხებების სიმწარე აგემოს“, – ნათქვამია განცხადებაში.
