ახალ სასწავლო წელს, 15 სექტემბერს, 300 000 მოსწავლე სწავლას სასკოლო ფორმით შეუდგება. ფორმის ტარება სავალდებულოა საჯარო სკოლების პირველიდან მე-6 კლასის ჩათვლით მოსწავლეებისთვის.
სკოლაში თანაბარი გარემოს შექმნა განათლების რეფორმის ერთ-ერთი მთავარი მიზანია.
ფორმა ასეთია – პიჯაკები ეროვნული სიმბოლიკით, მუქი ლურჯი შარვლები და ქვედაბოლოები. სიახლე ბავშვებს პედაგოგებმა გააცნეს. ეს პროცესი “კურიერი P.S.-მა” თბილისის 127-ე საჯარო სკოლაში გადაიღო.
ფორმის სავალდებულო ტარების შესახებ უფროსკლასელების აზრიც მოვისმინეთ.
სწორედ განსხვავებული მოსაზრებების გამო, პირველ ეტაპზე ფორმის ტარების ვალდებულება მაღალკლასელებს არ აქვთ.
რა ეღირება სასკოლო ფორმა, ჯერ არ დაზუსტებულა, ბაზრის კვლევა მიმდინარეობს, თუმცა მინისტრი განმარტავს, რომ ფასი მინიმალური იქნება.
127-ე სკოლის მოსწავლეების მშობლები ფორმის ტარებას მიესალმებიან. სკოლის ადმინისტრაციასთან ამ თემაზე საუბარი რეგულაციის მიღებამდე ბევრად ადრე დაიწყო.
ზოგადი განათლების რეფორმა ბევრ სიახლეს მოიცავს. მობილური ტელეფონით სარგებლობა შეიზღუდება. მე-12 კლასში სწავლა ნებაყოფლობითი გახდება. სასკოლო ასაკი 6 წლით განისაზღვრა, თუმცა გამონაკლისის სახით, წელს პირველ კლასში შევლენ ბავშვები, რომლებიც 6 წლის 31 დეკემბრამდე გახდებიან.
განათლების ექსპერტის შეფასებით, რეფორმა სწორ აქცენტებს სვამს და შედეგიც დადგება.
სასკოლო ტანსაცმელი აგვისტოში მზად იქნება. მომავალი სასწავლო წელი, სკოლებში ახალი წესრიგის დასაწყისი იქნება.
