„ლივერპულის“ ყოფილმა ფეხბურთელმა, ჯეიმი კარაგერმა ჩემპიონთა ლიგაზე „პარი სენ-ჟერმენისა“ და „ბაიერნის“ ნახევარფინალურ შეხვედრაზე კომენტარი გააკეთა, რომელიც ფრანგებმა ხვიჩა კვარაცხელიას შესანიშნავი თამაშისა და დუბლის წყალობით 5:2 მოიგეს. ვეტერან ინგლისელ ფეხბურთელს ქართველი ვარსკვლავი კილიან მბაპეზე მეტად მოსწონს.
„ამის გამო სოციალურ ქსელებში გამაკრიტიკებენ, მაგრამ კვარაცხელია უფრო დიდ ფეხბურთელად მიმაჩნია, ვიდრე კილიან მბაპე. მჯერა, რასაც საკუთარი თვალებით ვხედავ და არა იმას, რაც ფიფა-ს რეიტინგში ჩანს – მპაბეს დონე ყველამ ვიცით, მაგრამ კვარაცხელიამ ორ სეზონში „პარი სენ-ჟერმენისთვის“ უფრო მეტი გააკეთა, ვიდრე მბაპემ – ოთხ სეზონში.
როცა კვარაცხელიას ბურთი აქვს, გულშემატკივრებს სჯერათ, რომ ის რაღაც წარმოუდგენელს გააკეთებს და გუნდს გადაარჩენს. მისი გვარი ოქროს ასოებით ჩაიწერება პსჟ-ის დიდებულ ფეხბურთელთა შორის – ქართველი ფეხბურთელი დღეს ჩემთვის საუკეთესოა“.
