ვინ ვერ შეძლებს ქორწინების რეგისტრაციას საქართველოში

სახელმწიფო სერვისების განვითარების სააგენტოს ვებგვერდზე გამოქვეყნებულია ინფორმაცია ქორწინების რეგისტრაციის შესახებ, სადაც განმარტებულია, რა შემთხვევაში (არ) დაიშვება რეგისტრაცია.

ქორწინების რეგისტრაცია არ დაიშვება:

• იმ პირებს შორის, რომელთაგან თუნდაც ერთი დაქორწინებულია სხვაზე;

• პირდაპირი აღმავალი ან დამავალი შტოს ნათესავებს შორის;

• ბიოლოგიურ და არაბიოლოგიურ და-ძმას შორის;

• მშვილებელსა და ნაშვილებს შორის;

• იმ პირებს შორის, რომელთაგან თუნდაც ერთი მხარდაჭერის მიმღებია და რომლებსაც არ დაუდიათ საქართველოს სამოქალაქო კოდექსის 1172-ე მუხლის მე-2 ნაწილით გათვალისწინებული საქორწინო ხელშეკრულება.

ქორწინების რეგისტრაციისათვის აუცილებელი საბუთები, რომელთა გარეშეც ასევე ვერ დაქორწინებით:

დასაქორწინებელ პირთა ერთობლივი წერილობითი განცხადება;

დასაქორწინებელ პირთა/მოწმეების პირადობის დამადასტურებელი დოკუმენტები;

თუ დაქორწინების მსურველი პირი ადრე იმყოფებოდა ქორწინებაში, წინა ქორწინების შეწყვეტის დამადასტურებელი საბუთი;

თუ განცხადებას წარადგენს დაქორწინების მსურველი პირის წარმომადგენელი – წარმომადგენლობითი უფლებამოსილების და წარმომადგენლის პირადობის დამადასტურებელი დოკუმენტი.