მომღერალი ბაბი კირკიტაძე ტელეეკრანებზე ხშირად ჩანს. იგი სოციალურ ქსელში ერთ-ერთი ყველაზე აქტიური და ხალხისთვის საყვარელი სახეა, ხშირად აქვეყნებს საკუთარი ყოველდღიურობის ამსახველ ფოტოებსა და ვიდეოებს. იგი გადაცემის „სხვა რაკურსი“ სტუმარი იყო, სადაც ბავშვობის სიყვარული გაიხსენა:
„მესამე კლასში ვუყვარდი ჩემს კლასელს, იყო ძალიან საყვარელი ბიჭი, მე ვიყავი ახტაჯანა, ბიჭების მეგობარი და ეტყობა, ვერ გამიბედა ეთქვა, მიყვარხარო. მახსოვს, ერთ დღეს მოვიდა ბაბუსთან ერთად. მარტო რომ ვერ გაბედა, მოიყვანა ბაბუა და ამბობს კლასში, ბაბილინა რომელიაო, ასე მეძახდნენ პატარა რომ ვიყავი და გამიყვანეს. ბაბუამ და შვილიშვილმა ერთად მითხრეს, რომ ვუყვარდი. ძალიან საყვარელი იყო“, – იხსენებს ბაბი კირკიტაძე.
