უსაფრთხოება და ავტოსაგზაო შემთხვევების პრევენცია – ეს არის შინაგან საქმეთა სამინისტროს მიერ შემუშავებული საკანონმდებლო ცვლილებათა პაკეტის მთავარი მიზანი, რომელიც ძალაში 1-ლი მაისიდან შევიდა.
ურჩი მძღოლებისთვის საგზაო მოძრაობის წესების დარღვევაზე ადმინისტრაციული პასუხისმგებლობა მკაცრდება. ამ ცვლილებების აუცილებლობა უწყებამ, ყველაზე მყარი არგუმენტით – საგანგაშო სტატისტიკით ახსნა.
გარდა ავტოსაგზაო შემთხვევების პრევენციისა, ცვლილებები შეეხო დგომა გაჩერების წესსაც. ქვეყანაში ავტომობილების რაოდენობის გამო გაზრდილმა მობილობამ აუცილებელი გახადა სხვა ცვლილებებიც.
გარდა ადმინისტრაციული პასუხისმგებლობების გამკაცრებისა, საგზაო უსაფრთხოების პრევენციის მიზნით, შინაგან საქმეთა სამინისტრო აქტიურად უზრუნველყოფს საინფორმაციო კამპანიებსაც. უწყებაში მოუწოდებენ, როგორც მძღოლებს, ისე ქვეითებს, გაითავისონ მოქალაქეობრივი პასუხისმგებლობები და შეიტანონ წვლილი ქვეყანაში საგანგაშო სტატისტიკის პოზიტიურ ცვლილებაში.
ცვლილებები ძალაში 1-ლი მაისიდან შევიდა, მის აღსრულებას კი, როგორც შინაგან საქმეთა სამინისტროს, ისე მუნიციპალური სამსახურების, კომპეტენტური დეპარტამენტები განახორციელებს.
