ნიკოლ ფაშინიანის განცხადებით, სომხეთი რუსეთთან კონფლიქტში არ შევა. სომხეთის პრემიერ-მინისტრმა აღნიშნა, რომ მოსკოვთან დაპირისპირება არც ერევნის მიზანი და არც მისი მასშტაბია.
„ჩვენ რუსეთთან კონფლიქტში არ შევალთ. პირველ რიგში იმიტომ, რომ რუსეთთან დაპირისპირება ჩვენს მასშტაბებს აღემატება – ჩვენ მოკრძალებული სახელმწიფო ვართ. ეს არც ჩვენი ამოცანაა, არც მიზანი და არც ჩვენი მასშტაბი. ამასთანავე, არ უნდა დაგვავიწყდეს, რომ ჩვენ ევრაზიული ეკონომიკური კავშირის სრულუფლებიანი წევრები ვართ.
ჩვენს პოლიტიკაში არ არსებობს შეთქმულება, არავის წინააღმდეგ არანაირი ქმედება. ჩვენთვის ნათელია, რომ სომხეთს და მის ხალხს ყოველთვის უნდა ჰქონდეთ ალტერნატივები. არსებობს ევროკავშირი და ევრაზიული ეკონომიკური კავშირი, ჩვენს ხალხს უნდა ჰქონდეს ალტერნატივა და შესაძლებლობა, გადაწყვიტოს, რომელი სტრატეგიაა მათთვის ყველაზე პერსპექტიული და სასარგებლო. არ არსებობს უკმაყოფილების ან დავების მიზეზი. ჩვენ არ ჩავერთვებით დავებში
ჩვენ ეს ნათლად განვუცხადეთ ჩვენს კოლეგებს როგორც რუსეთიდან, ასევე ევროკავშირიდან. ჩვენ არ გვინდა რუსეთისთვის ზიანის მიყენება, მაგრამ თუ ვიგრძნობთ, რომ რაიმე ქმედების განხორციელების შემთხვევაში სანქციებს დავექვემდებარებით, ჩვენ ამას არ გავაკეთებთ. ევროკავშირს ეჭვი ჰქონდა, რომ ჩვენ ანტირუსულ სანქციებს გვერდის ვუვლიდით, თუმცა ჩვენ ნათლად განვაცხადეთ, რომ ამას არ ვაკეთებთ“, – განაცხადა ფაშინიანმა.
ამავდროულად, მან ოპონენტები დაადანაშაულა „იაფფასიან პროვოკაციებში“, რომელთა მიზანიც სომხეთისა და რუსეთის ერთმანეთთან დაპირისპირებაა.
