ხვიჩა კვარაცხელია ბოლო წლების ერთ-ერთი საუკეთესო მოთამაშეა და 30 მაისს, პსჟ-სთან ჩემპიონთა ლიგის ფინალამდე მისი ფაქტორი მაფიქრებს, მაგრამ, იმედია, „არსენალის“ მწვრთნელი, მიკელ არტეტა მის შესაჩერებლად ეფექტურ ტაქტიკას მოიფიქრებს – ამის შესახებ Goal.com-თან ინტერვიუში ლონდონური კლუბის ლეგენდამ, რეი პარლორმა განაცხადა.
პარლორი ლონდონურ კლუბში 1992-2004 წლებში თამაშობდა, „მეთოფეთა“ ფორმით 339 მატჩი ჩაატარა და 22 გოლი გაიტანა. 1999-2000 წლებში ინგლისის ნაკრებში 10 მატჩი ჩაატარა.
„ჩემპიონთა ლიგის ფინალამდე „არსენალს“ ტრავმების გამო მარჯვენა მცველებიმ, იურიენ ტიმბერი და ბენ უაითი ვერ დაეხმარებიან. როგორ უნდა გაუმკლავდნენ „მეთოფეები“ ამ პრობლემას, როდესაც მათ წინააღმდეგ კვარაცხელია ითამაშებს? ჩემთვის ის ერთ-ერთი საუკეთესო ფეხბურთელია, ვინც ბოლო წლებში მინახავს. ამიტომ მისი ფაქტორი მაშფოთებს.
მარჯვენა მცველად ვინც არ უნდა ითამაშოს, ბოლომდე უნდა დაიხარჯოს. ის შეტევაში ხშირად ვერ წავა, რადგან კვარაცხელიას წინააღმდეგ უფრო დაცვითი ფუნქციების შესრულება მოუწევს იმის გათვალისწინებით, რომ იციან, ქართველ თავდამსხმელს რისი გაკეთება შეუძლია. „არსენალი“ შეტევაში კარგად გამოიყურება, კონტრშეტევებზეც კარგად გადადის, დარწმუნებული ვარ, მიკელ არტეტა ფრანგების წინააღმდეგ ეფექტურ ტაქტიკას გამოიყენებს“.
