აღკვეთის ღონისძიების შეფარდების მოლოდინშია 6 პოლიციელი – ბრალდება მათ გუშინ უკვე წარედგინათ. პროკურატურის ინფორმაციით, სამართალდამცველებმა 27 მაისს გორში, ძალადობით, გადაამეტეს სამსახურებრივ უფლებამოსილებას. შეილახა დაზარალებულის უფლებები და ზიანი მიადგა მის ჯანმრთელობას.
ინციდენტის კადრების გავრცელებიდან რამდენიმე საათში შიდა ქართლის სამმართველოს პოლიციელები შიდა ქართლისვე საოლქო პროკურატურამ აიყვანა. დაშავებულ 30 წლის მამაკაცს ნეკნის მოტეხილობა და სხვა დაზიანებები აღენიშნება. მას გამოკვლევები კლინიკა “ვივამედში” ჩაუტარდა. დაზიანებულია 21 წლის პოლიციელიც.
