“ეკლესია არ დაუშვებს ამას, პირდაპირ გეუბნებით” – მეუფე იაკობი

სადღესასწაულო წირვა-ლოცვა ბოდბელმა მთავარეპისკოპოსმა სხვა სასულიერო პირებთან ერთად, წმინდა ნინოს სახელობის ტაძარში აღავლინა.

წირვის დასრულების შემდეგ მეუფე იაკობმა მრევლს ქადაგებით მიმართა.

„ქართველებმა უნდა გავითავისოთ ის, რომ წარსული დიდებით თავი კი არ მოგვქონდეს, შევეცადოთ, მასზე უკეთესი აწმყო და მომავალი შევქმნათ. განათლება ყველაფერს მოგვიტანს, ეკონომიკაც გაჯანსაღდება, ყველაფერი გაჯანსაღდება. როდესაც უცხოეთი ნახავს, რომ ერთმანეთს არ ვჭამთ, სხვანაირად მოგვეპყრობიან. არავის ეგონოს, რომ უცხოელი ვინმეს მოიყვანს და დასვამს. ეკლესია არ დაუშვებს ამას, პირდაპირ გეუბნებით. მალე მოვა ის დრო, როდესაც ურთიერთობები ყველასთან დალაგდება. მთავარია, ერთმანეთთან დავალაგოთ ურთიერთობები“, – აღნიშნა მეუფე იაკობმა.