ლუდის დადებითი თვისებები – სამეცნიერი ფქტები, რომლებიც გაგაოცებთ

ლუდი არა მხოლოდ პოპულარული სასმელია, არამედ საკვები ნივთიერებების წყაროცაა. მდიდარი შემადგენლობისა და უნიკალური თვისებების წყალობით, სწორად გამოყენების შემთხვევაში, მას შეუძლია სასარგებლო გავლენა მოახდინოს სხეულზე.

როგორ უნდა დალიოთ ლუდი ისე, რომ ჯანმრთელობა არ დაიზიანოთ:

გთავაზობთ 5 დადასტურებულ ფაქტს, რომელიც გაიძულებთ ამ სასმლის მიმართ დამოკიდებულებას საკუთარ დამოკიდებულებას გადახედოთ.

1. ლუდი ბოჭკოს წყაროა

ლუდი შეიცავს ხსნად ბოჭკოს, რომელიც საჭმლის მონელებაში მნიშვნელოვან როლს ასრულებს. ის აუმჯობესებს ნაწლავის მიკროფლორას და ეხმარება ღვიძლს ტოქსინების წინააღმდეგ ბრძოლაში. ლუდი ამცირებს ცუდი ქოლესტერინის დონეს. ლუდში შემავალი ბოჭკო ხელს უწყობს სისხლში LDL ქოლესტერინის, ე.წ. ცუდი ქოლესტერინის შემცირებას.

2. სასარგებლოა ძვლებისა და გულისთვის

ლუდში სილიციუმის მაღალი შემცველობა ხელს უწყობს ძვლოვანი ქსოვილის გაძლიერებას, რაც 50 წელზე უფროსი ასაკის ადამიანებში ძვლის ნორმალური სტრუქტურის შესანარჩუნებლად განსაკუთრებით მნიშვნელოვანია.

კვლევები ადასტურებს, რომ ლუდის ზომიერი მოხმარება თეთრ ღვინოზე უფრო ეფექტურად ამცირებს გულის იშემიური დაავადების რისკს. ეს ანტიოქსიდანტების მაღალი შემცველობით არის გამოწვეული – ლუდში ის ორჯერ მეტია. გარდა ამისა, ლუდი მნიშვნელოვანი მიკროელემენტების – კალიუმის და მაგნიუმის წყაროა, რომლებიც გულ-სისხლძარღვთა სისტემის მუშაობაზე დადებითად მოქმედებენ.

3. ლუდი და ტვინის ჯანმრთელობა

ლუდში შემავალი სილიციუმი ამცირებს ალუმინის ტოქსიკურ ეფექტს, რომელიც ალცჰაიმერის განვითარების ერთ-ერთ შესაძლო მიზეზად ითვლება.

გარდა ამისა, ლუდი მდიდარია B ვიტამინებით, განსაკუთრებით B2, B6 და B12, რომლებიც მონაწილეობენ მეტაბოლიზმის პროცესში და ხელს უწყობენ ცენტრალური ნერვული სისტემის და ტვინის ფუნქციონირებას.

4. ლუდი და საჭმლის მონელება

ზოგიერთი მონაცემი ადასტურებს, რომ ლუდმა შეიძლება ბაქტერია Helicobacter pylori-ის ზრდა შეაფერხოს, რომელიც ცნობილია, როგორც წყლულოვანი დაავადების მთავარი მიზეზი.

5. აწესრიგებს სისხლში შაქრის დონეს

სვიაში შემავალ ნაერთებს ესტროგენის მსგავსი თვისებები აქვთ, რაც ამცირებს ინსულინის წინააღმდეგობის განვითარების რისკს და აწესრიგებს შაქრის დონეს.

სხვა სასმელებთან შედარებით, ლუდი შედარებით ნაკლებ კალორიას შეიცავს – 42 კკალ 100 გრ-ზე. ეს ნაკლებია, ვიდრე ვაშლის წვენში, ტკბილი ხილის სასმელებში ან რძეში შემავალი კალორიები.

რამდენია ლუდის დღიური დოზა:

მამაკაცებისთვის ეს არის არაუმეტეს 0,5 ლიტრი დღეში, ქალებისთვის – არაუმეტეს 0,3 ლიტრი სუსტი ლუდი. ამასთან, ლუდი ყოველდღე არ უნდა დალიოთ.

და ბოლოს, ზომიერად მოხმარების შემთხვევაში, ლუდი შეიძლება ვიტამინებით, მიკროელემენტებითა და ანტიოქსიდანტებით მდიდარი, ჯანსაღი პროდუქტი იყოს, თუმცა, აქ მთავარი სიტყვა ზომიერებაა, რადგან გადაჭარბებულმა მოხმარებამ შეიძლება საპირისპირო ეფექტი გამოიწვიოს.