საჭირო ინგრედიენტები: 1 კილოგრამი კარტოფილი, 1 ქილა დაკონსერვებული მწვანე ლობიო, 2 კბილი ნიორი, თითო-თითო კონა მწვანე ხახვი, ქინძი, ოხრახუში და ტარხუნა, 1 ჭიქა თეთრი ღვინო, 1 სუფრის კოვზი მწვანე ტყემალი, მარილი და პილპილი – გემოვნებით, ზეთი.
მომზადების წესი: ქვაბში ჩაასხით ზეთი და დაუმატეთ ოთხად გაჭრილი კარტოფილი, მოხარშული მწვანე ლობიო, წვრილად დაჭრილი მწვანე ხახვი, ნიორი, ქინძი, ოხრახუში და ტარხუნა. დაასხით წყალი ქვაბის ნახევრამდე და ხარშეთ. საბოლოო მოხარშვამდე მოასხით ტყემალი და შეაგემეთ მარილითა და პილპილით. როდესაც ყველაფერი კარგად მოიხარშება, დაასხით ერთი ჭიქა თეთრი ღვინო და ადუღეთ, დაახლოებით, 5 წუთი.
