საბავშვო ბაღში შესაძლო ძალადობის საქმეზე შსს-მ გამოძიება დაიწყო.
ამის შესახებ „პრაიმტაიმს“ შინაგან საქმეთა სამინისტროში განუცხადეს.
მათი ცნობით, გამოძიება სისხლის სამართლის კოდექსის 126-ე, ძალადობის მუხლითაა დაწყებული.
„მოქალაქე ედიტა დანელიანმა გუშინ გაავრცელა ინფორმაცია, რომ საბავშვო ბაღში მის შვილზე ძალადობდნენ. სოციალურ ქსელში მან დაწერა:
„ჩემ შვილს ხდიდნენ ტანსაცმელს და აწვენდნენ ძირს იატაკზე და ბავშვი იყო 4 საათი 3 საათი ყოველდღიურად შიშველი… ბავშვი შველას ითხოვდა მასწავლებლები იმავე ოთახში ისხდნენ და ტელეფონს სქროლავდნენ… ფსიქოლოგიურად ანადგურებდნენ ასე ძალადობდნენ ჩემ შვილზე”. დღეს კი დანელიანმა სოციალურ ქსელში გაავრცელა ფოტოები და დაწერა: “აქ ჩანს ჩემი შვილი როგორ წევრ იატაკზე საათობით! სადაც დაფარულია, იქ ბავშვები სხედან და თამაშობენ, როცა ჩემი შვილი გახდილი წევს იატაკზე!“
