გაერო-ს გენერალურმა ასამბლეამ მიიღო რეზოლუცია „აფხაზეთიდან, საქართველო და ცხინვალის რეგიონიდან/სამხრეთ ოსეთი, საქართველო იძულებით გადაადგილებულ პირთა და ლტოლვილთა სტატუსის შესახებ“.
საქართველოს რეზოლუციას 2026 წლის სესიაზე 107-მა ქვეყანამ დაუჭირა მხარი.
ასამბლეის პრეზიდენტის თქმით, საქართველოში ყველა იძულებით გადაადგილებულ პირს, ლტოლვილსა და მათ შთამომავალს, უფლება აქვს დაუბრუნდეს საკუთარ სახლს. გაეროს სხდომაზე სიტყვით გამოვიდა საქართველოს ელჩი. დავით ბაქრაძემ რეზოლუციის ძირითადად პუნქტებზე ილაპარაკა. რეზოლუცია მოითხოვს, კონკრეტული განრიგის შემუშავებას ყველა დევნილის ნებაყოფლობითი, უსაფრთხო, ღირსეული და შეუფერხებელი დაბრუნების უზრუნველსაყოფად. ასევე წერია უფლებების დარღვევასა და ჟენევის საერთაშორისო დისკუსიების მნიშვნელობაზე.
სოციალურ ქსელში სტატუსი გამოაქვეყნა საგარეო საქმეთა მინისტრმა და მადლობა გადაუხადა ყველა იმ სახელმწიფოს, რომელიც დადგა საქართველოს გვერდით და მხარი დაუჭირა დევნილთა უსაფრთხო, ღირსეული და შეუფერხებელი დაბრუნების უფლებას.
