ქალებს ჰგონიათ, რომ თავისი სიყვარულით ნებისმიერ მამაკაცს გააბედნიერებენ, მაგრამ არც ისე მარტივად არის საქმე, როგორც ერთი შეხედვით ჩანს. მამაკაცებს მხოლოდ სიყვარული არ აკმაყოფილებთ, უპირველესად უნდათ, რომ მათი ესმოდეთ. მაშ ასე, რა სურთ კაცებს:
* იგრძნონ თავი ძლიერებად – ისინი მამაკაცები არიან, შესაბამისად, აუცილებელია მათი ძალაუფლების აღიარება. მამაკაცი დარწმუნებული უნდა იყოს, რომ ბოლო სიტყვა მას ეკუთვნის. შესაძლოა, ფემინისტი იყოთ და სულ არ თანხმდებოდეთ ამას, მაგრამ ეს არ აგრძნობინოთ! ამას ყოველთვის უკურეაქცია მოსდევს;
* სითამამე – ურთიერთობაში მათთვის აუცილებელია, თავი იგრძნონ თავისუფლად და თამამად. ნუ შეეცდებით მათ ჩარჩოებში მოქცევას, თქვენ ეს მაინც არ გამოგივათ და ურთიერთობასაც დაძაბავთ;
* საკუთარ თავში დარწმუნება – თქვენთან ურთიერთობისას მამაკაცი აუცილებლად უნდა იყოს დარწმუნებული საკუთარ თავში. ის ძლიერია, თამამია, შესაბამისად, თავდაჯერებულობის მაღალი კოეფიციენტიც აქვს. აგრძნობინეთ, რომ ის მართავს, თუმცა არ უთხრათ, რომ თქვენ ხართ კისერი და მიმართულებას თქვენ აძლევთ;
* კაცს სჭირდება ქალი, რომელიც იქნება კარგი მეგობარი, საყვარელი, მოსაუბრე… მოკლედ რომ ვთქვათ, მრავალფეროვანი არსება. ურთიერთობის ფსიქოლოგია, პირველ რიგში, ერთმანეთის გაგებაზე, საერთო ინტერესების გაზიარებაზეა დაფუძნებული. ვინაიდან მამაკაცი მონადირული ინსტინქტებით ხასიათდება, მისთვის ძალიან მნიშვნელოვანია, არ იყოთ ბოლომდე ამოხსნილი, ანუ აუცილებლია, შეინარჩუნოთ მრავალფეროვნების გარკვეული ხარისხი;
* ის გრძნობს პასუხისმგებლობას თქვენ მიმართ – ნამდვილი მამაკაცი აცნობიერებს ურთიერთობის მნიშვნელობას და პასუხისმგებლობას. მისთვის თქვენ სუსტი არსება ხართ, რომელზეც უნდა იზრუნოს. ამიტომ, მიეცით მათ სივრცე და თუ სურთ, თქვენთვის ყველაფერს გააკეთებენ.
სულიერი და ემოციური მდგომარეობა
ბედნიერება ადამიანის სულიერი და ემოციური მდგომარეობაა, ხოლო ბედნიერება ის ძირითადი საფუძველია, რომელსაც წარმატება მოაქვს. დაიმახსოვრეთ ეს და თუ არ დაგავიწყდებათ, შეძლებთ, იყოთ წარმატებული.
ყოველი ჩვენგანი მიისწრაფვის წარმატებისკენ, რადგან გვჯერა, რომ ის ბედნიერებას მოგვიტანს, მაგრამ ამით მხოლოდ ილუზიას ვიქმნით. მაგალითად, ვცდებით, როცა თავს ვირწმუნებთ ფრაზებით:
მე ვიქნები ბედნიერი, როცა დამაწინაურებენ!
მე ვიქნები ბედნიერი, როცა წონაში დავიკლებ!
გამოკვლევებმა აჩვენა, რომ როდესაც შენ აღწევ მიზანს, მხოლოდ ცოტა ხნით ხარ ბედნიერი. ხოლო შემდეგ სხვა, ახალ მიზანს ისახავ.
შეიძლება, ფიქრობთ, რომ ბედნიერება დამოკიდებულია დიდ გამარჯვებასა და მიღწევებზე, მაგრამ ამაშიც ცდებით.
ზოგ ადამიანს მიაჩნია, რომ რთულია, იყო ბედნიერი. ისინი იღებენ ფაქტს, რომ უბრალოდ, დაიბადნენ, აქვთ მონოტონური ცხოვრება და ვერაფერს შეცვლიან. თუმცა, ნებისმიერი ფსიქოლოგი გეტყვით, რომ ასე არ არის და ყველაფერი ჩვენზე და ჩვენს გადაწყვეტილებებზეა დამოკიდებული.
მთავარი პრობლემა ისაა, რომ ყოველდღიურ ცხოვრებაში ვერ ვხედავთ ბედნიერებას და ველოდებით რაღაც გრანდიოზულს მაშინ, როცა ბედნიერება ჩვენ გვერდითაა.
არსებობს ჭეშმარიტება
უმჯობესია, გაიმარჯვოთ საკუთარ თავთან, ვიდრე ათასი ბრძოლა მოიგოთ სხვასთან. საკუთარ თავზე გამარჯვებას ვერავინ და ვერაფერი წაგართმევთ და ამის მისაღწევად, უპირველესად, ფიქრების კონტროლია საჭირო. მით უმეტეს, ფიქრები ნეგატიური და შემაშფოთებელი არ უნდა იყოს. შეიძლება, იფიქროთ, რომ ვიღაცების ცხოვრებაში ყველაფერი კარგი თავისთავად ხდება, მაგრამ უნდა გახსოვდეთ, რომ ეს ასე არ არის. ძალიან ხშირად, სწორედ, ჩვენზეა ყველაფერი დამოკიდებული. თუ თანმიმდევრული და მომთმენი ხართ, წარმატებას მიაღწევთ. გახსოვდეთ, არავის შეუძლია, მიზანს ერთ დღეში და ერთ საათში მიაღწიოს. წარმატებაც იმასთან მიდის, ვინც მზადაა, ყველაფერი მცირედიდან დაიწყოს და გულმოდგინედ იშრომოს, სანამ მაქსიმუმადე არ მივა.
* იცხოვრეთ ჰარმონიაში – ჰარმონია შინაგანად მოდის, გარეთ ტყუილად დაიწყებთ მის ძებნას. ჰარმონია არც ახალი სამსახურია, არც ახალი მანქანა ან ახალი ქორწინება. შინაგანი ჰარმონია არის სულის სიმშვიდე, რომელიც საკუთარ თავს თავად უნდა შთააგონოთ;
* ეცადეთ გაიგოთ – ჯერ სცადეთ, გაუგოთ სხვებს და მერე მოინდომეთ, რომ მათ გაგიგონ. მეორე ადამიანის თვალსაზრისის გასაგებად სრული ძალისხმევაა საჭირო. მოუსმინეთ სხვებს, გაუგეთ მათ და ასე დაიმკვიდრებთ სიმშვიდეს;
დაიმახსოვრეთ ეს ჭეშმარიტება – ადამიანის ყველაზე დიდი მტერი საკუთარი თავია.
