იაპონელმა მეცნიერებმა ჩაატარეს კვლევა და დაადგინეს, რომ ძაღლებთან ერთად ძილი უფრო სასარგებლოა, ვიდრე კატებთან.
ჩიბას უნივერსიტეტის მკვლევრები 4 ათასი მოხალისის ჯანმრთელობის მდგომარეობას აკვირდებოდნენ. მათგან დაახლოებით 40%-მა აღნიშნა, რომ ძაღლებსა და კატებს ღამით მათთან ერთად ძილის ნებას რთავს.
მოხალისეებმა შეავსეს ჯანმრთელობის მსოფლიო ორგანიზაციის მიერ დამტკიცებული კითხვარი, რომელიც მოიცავდა თანხმობას ან უარყოფას ისეთ დებულებებზე, როგორიცაა: „ვიღვიძებ მხნედ და დასვენებული“, „თავს აქტიურად ვგრძნობ“ და ა.შ.
მეცნიერებმა აღმოაჩინეს, რომ კვლევის იმ მონაწილეებმა, რომლებსაც თავიანთ ძაღლებთან ერთად ეძინათ, მნიშვნელოვნად უკეთესი შედეგები აჩვენეს, ვიდრე მათ, ვისაც ძაღლი საერთოდ არ ჰყავდა ან ვინც მათ საძინებელში შესვლას უკრძალავდა.
მკვლევართა აზრით, ძაღლები პატრონების ძილის ხარისხს აუმჯობესებენ, რადგან მათ სიმშვიდისა და უსაფრთხოების განცდას ანიჭებენ. კატები კი, პირიქით, უფრო ხშირად მოძრაობენ, იღვიძებენ და აქტიურობენ მაშინ, როდესაც მათ მფლობელს სძინავს.
