საინფორმაციო პორტალი “ადამს მედია” გთავაზობთ ვრცელ ინტერვიუს ექიმ-კოსმეტოლოგ – სუზი ბიგვავასთან
მოგვიყევით მოკლედ თქვენს შესახებ და პროფესიულ საქმიანობაზე.
პროფესიით ვარ ექიმ კოსმეტოლოგი. დავამთავრე ბელარუსის სახელმწიფო სამედიცინო უნივერსიტეტი, სპეციალობით გინეკოლოგია .პროფესიული გამოცდილება – ექიმი გენეკოლოგი ბელარუსიაში ვიყავი ფარმაცევტული კომპანია Berlin -chemie-ს ხელმძღვანელი. ვმუშაობ ექიმ კოსმეტოლოგად და ლაზეროთერაპევტად საქართველოში, თუმცა ამავდროულად ვიკავებ ესთეტიკური ცენტრის დირექტორის პოზიციას. დამატებით ვარ ლაზერული ტექნოლოგიების შემსწავლელი კურსების ლექტორი და ვაორგანიზებ Beauty Industry-ის პროფესიულ შეხვედრებსა და საგანმანათლებლო ღონისძიებებს. 2022 წელს საქართველოში მივიღე „წარმატებული კოსმეტოლოგის“ ჯილდო.
რატომ აირჩიეთ კოსმეტოლოგიის მიმართულება?
კოსმეტოლოგიის მიმართულება იმიტომ ავირჩიე, რომ ყოველთვის მიზიდავდა ესთეტიკა, სილამაზე და ადამიანების თვითშეფასებაზე დადებითი გავლენის მოხდენა. ჩემთვის ესთეტიკური მედიცინა მხოლოდ გარეგნული ცვლილება არ არის — ეს არის შესაძლებლობა, ადამიანს დაეხმარო თავი უფრო თავდაჯერებულად და კომფორტულად იგრძნოს. ექიმის ცოდნისა და ესთეტიკის სიყვარულის შერწყმამ მიმიყვანა კოსმეტოლოგიამდე, რომელიც დღეს ჩემი პროფესიული საქმიანობის ერთ-ერთი ყველაზე საყვარელი მიმართულებაა.
რა არის თქვენი მთავარი პროფესიული პრინციპი პაციენტებთან ურთიერთობისას?
ჩემი მთავარი პროფესიული პრინციპია თითოეულ პაციენტთან ინდივიდუალური მიდგომა, გულწრფელი კომუნიკაცია და ნდობაზე დაფუძნებული ურთიერთობა. ჩემთვის მნიშვნელოვანია არა მხოლოდ ესთეტიკური შედეგის მიღწევა, არამედ პაციენტის კომფორტი, უსაფრთხოება და ემოციური კეთილდღეობა. ყოველთვის ვცდილობ, მოვუსმინო, გავითვალისწინო მათი სურვილები და შევთავაზო საუკეთესო გადაწყვეტილება პროფესიული ეთიკისა და თანამედროვე სტანდარტების დაცვით.
თქვენი გამოცდილებით, რა შეცდომას უშვებენ ადამიანები ყველაზე ხშირად კანის მოვლის დროს?
ჩემი გამოცდილებით, ყველაზე ხშირი შეცდომა არის კანის მოვლის არათანმიმდევრულობა და თვითნებურად შერჩეული პროდუქტების გამოყენება.ბევრი ადამიანი იყენებს ზედმეტად ბევრ აქტიურ ინგრედიენტს ერთდროულად, რაც კანის გაღიზიანებას იწვევს.ხშირად ავიწყდებათ მზისგან დამცავი კრემის ყოველდღიური გამოყენება, მაშინ როცა SPF კანის ახალგაზრდობისა და ჯანმრთელობის შენარჩუნების ერთ-ერთი მთავარი ფაქტორია.ასევე, კანის ტიპის გაუთვალისწინებლად შერჩეული მოვლის საშუალებები ხშირად უფრო მეტ ზიანს აყენებს, ვიდრე სარგებელს.ჩემი პროფესიული მიდგომაა: კანის მოვლა უნდა იყოს ინდივიდუალურად შერჩეული, რეგულარული და არა გადატვირთული. ხშირად „ნაკლები — უფრო მეტია“, როდესაც სწორად შერჩეულ მოვლაზე ვსაუბრობთ.
რა რჩევას მისცემდით ადამიანს, რომელიც პირველად გეგმავს კოსმეტოლოგთან ვიზიტს?
პირველ რიგში, აირჩიეთ კვალიფიციური ექიმი-კოსმეტოლოგი და ნუ მიიღებთ გადაწყვეტილებას მხოლოდ ფასის ან მოდური ტენდენციების მიხედვით. პირველ ვიზიტზე გულწრფელად ისაუბრეთ თქვენს ჯანმრთელობაზე, მოლოდინებსა და სურვილებზე, რადგან სწორი შედეგი იწყება სწორი კონსულტაციით. გახსოვდეთ, რომ კოსმეტოლოგიის მიზანი ბუნებრივი სილამაზის გამოკვეთა და კანის ჯანმრთელობის გაუმჯობესებაა, ამიტომ ენდეთ პროცესს და ნუ დაელოდებით სასწაულს ერთ დღეში.
რა გეგმები და მიზნები გაქვთ სამომავლოდ?
სამომავლოდ ჩემი მთავარი მიზანია პროფესიული განვითარება ესთეტიკური მედიცინის მიმართულებით და პაციენტებისთვის კიდევ უფრო უსაფრთხო, თანამედროვე და შედეგზე ორიენტირებული სერვისების შეთავაზება.ჩემი გრძელვადიანი მიზანი კი შევქმნა სივრცე, სადაც ადამიანი შეძლებს მიიღოს მომსახურება უანგაროდ — განსაკუთრებით იმ ადამიანებისთვის, ვისაც აქვს სურვილი, მაგრამ არ აქვს შესაძლებლობა მიიღოს ესთეტიკური მომსახურება. ადგილი, სადაც თითოეული ვიზიტორი იპოვის შინაგან სიმშვიდეს და გარეგნულ სილამაზეს, რაც მას თავდაჯერებულობასა და საკუთარ თავთან ჰარმონიას მიანიჭებს.
