საჭირო ინგრედიენტები: ცომი – 400 გრამი ფქვილი, 240 გრამი მაწონი ან კეფირი, 1 კვერცხი, მარილი, ცოტა შაქარი, 1 ჩაის კოვზი ცომის გამაფხვიერებელი, 1.5 სადილის კოვზი ზეთი.
შიგთავსი: 500 გრამი კალმახის ფილე, 500 გრამი კარტოფილისა და სტაფილოს პიურე, 2 თავი ხახვი, მარილი, 1 სადილის კოზი ზეთი, შავი პილპილი, სულ ცოტა შაქარი.
ასევე დაგჭირდებათ: 1 კვერცხის გული, 1 ჩაის კოვზი ნაღები, ცოტა კუნჟუტი.
მომზადების წესი: ერთმანეთში შეურიეთ მაწონი, კვერცხი და მარილი, მეორე თასში კი – გაცრილი ფქვილი, გამაფხვიერებელი, შაქარი. მასში ჩაასხით კვერცხიანი მასა და მოზილეთ ცომი. შემდეგ შეურიეთ ზეთი და კიდევ აზილეთ. შეფუთეთ საკვებ ცელოფანში და მოათავსეთ მაცივარში 30 წუთის განმავლობაში.
კალმახის ფილე დაანაწევრეთ. ცოტათი შეწვით მშრალ, ცხელ ტაფაზე, გადმოიტანეთ თასზე, მოაყარეთ მარილი, პილპილი, ძალიან თხელ ნახევარრგოლებად დაჭრილი ხახვი, სულ ცოტა შაქარი, შავი პილპილი და აურიეთ ძალიან კარგად. წინასწარ მოამზადეთ კარტოფილისა და სულ ცოტა სტაფილოს პიურე.
გააცხელეთ აირღუმელი.
ცომი გააბრტყელეთ ფქვილმოყრილ დაფაზე, გადაიტანეთ 23X23 სანტიმეტრის ზომის ფორმაში და ნაპირები ცოტა ამოუწიეთ. ცომს მოაყარეთ მოშუშული ხახვის ნახევარი, შემდეგ წაუსვით კარტოფილის პიურე – მთელი მასის ნახევარი, მერე თევზი, ისევ ხახვი და პიურე. ნაღებში შეურიეთ კვერცხის გული, ათქვიფეთ კარგად, წაუსვით პიურეს. მოაყარეთ კუნჟუტი და გამოაცხვეთ 200 გრადუსზე, 15 წუთის განმავლობაში.
