საჭირო ინგრედიენტები: პირველი ფენა – 200 გრამი ორცხობილა, 150 გრამი ნატურალური, ახლად დაფქული ყავა, 2 სადილის კოვზი რომი.
მეორე ფენა – 250 გრამი შავი შოკოლადი, 200 გრამი არაჟანი.
მესამე ფენა – 400 გრამი რძე, 1 შეკვრა ვანილი, 2 სადილის კოვზი შაქარი, 20 გრამი კარაქი.
მეოთხე ფენა – 5 ცალი კივი, 1 სადილის კოვზი შაქარი, 120 მილილიტრი წყალი, 2 სადილის კოვზი კარტოფილის ფქვილი.
მომზადების წესი: ორცხობილა დააქუცმაცეთ ბლენდერით – ფქვილივით უნდა იყოს. ყავა მოადუღეთ, დაასხით ორცხობილას ფქვილს და აურიეთ. ჩაუმატეთ რომი და ისევ აურიეთ. აუცილებლად დაგჭირდებათ ლამაზი ფორმები ან სანაყინეები. მათში თანაბრად გადაანაწილეთ ორცხობილიანი ბისკვიტი.
გაადნეთ შოკოლადი ცხელი წყლის აბაზანაზე. ნელ-ნელა შეურიეთ არაჟანი. ეს მეორე ფენაა და გადაანაწილეთ სანაყინეებში.
აადუღეთ 300 მილილიტრი რძე. 100 მილილიტრ რძეში გახსენით შაქარი, კარაქი, ვანილი და ნელ-ნელა შეურიეთ ცხელ რძეს. ცოტა რომ გაცივდება, გადაანაწილეთ სანაყინეებში, გადააკარით ცელოფანი. შედგით მაცივარში. რომ გაცივდება, მოაყარეთ გახეხილი შიკოლადი.
კივი გათალეთ, დაჭერით კუბიკებად, მოაყარეთ შაქარი, დაასხით 60 გრამი წყალი და ადუღეთ 5 წუთი. ამოიღეთ კივი და გააკეთეთ პიურე. დარჩენილ 60 გრამ წყალში გახსენით კარტოფილის ფქვილი, ჩაასხით კივის პიურეში და მოხარშეთ კრემი. გააცივეთ, წაუსვით დესერტებს, კიდევ მოათავსეთ მაცივარში 1 საათით და მზად არის.
