“თუ გველი მოკალით ხელით არ შეეხოთ” – დაავადებათა კონტროლის ცენტრი მოსახლეობას აფრთილებს

რა უნდა გავაკეთოთ გველის ნაკბენის შემთხვევაში და რომელ ქმედებებს უნდა მოვერიდოთ — ამ საკითხებზე ინფორმაციას დაავადებათა კონტროლისა და საზოგადოებრივი ჯანმრთელობის ეროვნული ცენტრი ავრცელებს და მოქალაქეებს უსაფრთხოების რეკომენდაციებს უზიარებს.

„ყოვლად დაუშვებელია!

• არ ამოწოვოთ სისხლი ნაკბენიდან

• არ გაკვეთოთ და არ მოწვათ ნაკბენი ადგილი

• არ დაადოთ ლახტი ან ყინული

• არ დაამუშაოთ იოდით, ბრილიანტის მწვანით ან სპირტით

• არ მოიბანოთ დაკბენილი ადგილი და არ მიიღოთ ალერგიული/სპირტიანი სასმელი
პირველი დახმარება

• შეინარჩუნეთ სიმშვიდე და სასწრაფოდ დაუკავშირდით სასწრაფო დახმარებას (112)

• დააწვინეთ დაზარალებული ბრტყელ ზედაპირზე

• მოხსენით ბეჭედი ან სხვა სამკაული, თუ კბენა ხელზეა

• უზრუნველყავით სითხის მიღება

• კლინიკაში მიყვანამდე დაზარალებულმა უნდა დალიოს დიდი რაოდენობით სითხე

• სხეულის პოზიცია დაზიანებული ადგილი სასურველია იყოს გულის დონეზე ოდნავ დაბლა

მნიშვნელოვანია, თუ გველი მოკალით, რეფლექსის გამო, მას 1 საათის განმავლობაში კიდევ შეუძლია კბენა. ტრანსპორტირებისას მოათავსეთ მყარ ყუთში და ხელით არ შეეხოთ.

პრევენცია — როგორ ავიცილოთ თავიდან

• სწორი ჩაცმულობა – გველების სავარაუდო არეალში ჩაიცვით გრძელი შარვალი და მაღალყელიანი ფეხსაცმელი

• გამოიყენეთ ჯოხი სიარულისას აკაკუნეთ მიწაზე — ხმაურზე გველი თვითონ გაგეცლებათ

• იყავით ფრთხილად ნუ შეეხებით მიწაზე უცნობ, „ჭრელ ჯოხებს“ ან საგნებს. ნუ გამოიწვევთ გველს პროვოცირებაზე.

აქტიურობის სეზონი საქართველოში გველი აქტიურია აპრილიდან ოქტომბრის ბოლომდე, ძირითადად ღამით ან სიცხეების დადგომამდე — დღისით.

გართულების შემთხვევაში დაუყოვნებლივ მიმართეთ სამედიცინო დაწესებულებას! (სადაც მკურნალობისთვის გამოიყენება სპეციალური ანტიტოქსიკური შრატები)“, – ვკითხულობთ გავრცელებულ ინფორმაციაში.