საჭირო ინგრედიენტები: 550 გრამი შერეული ხორცის ფარში, 100 გრამი ხახვი, შავი პილპილი, მარილი – გემოვნებით.
შიგთავსი: 5 კვერცხი, 3 ფირფიტა მდნარი ყველი.
ასევე დაგჭირდებათ: ზეთი და 3 სადილის კოვზი საფანელი.
მომზადების წესი: ხორცში შეურიეთ ძალიან წვრილად დაჭრილი ხახვი. დაუმატეთ მარილი, პილპილი და აურიეთ ძალიან კარგად. კვერცხი მოხარშეთ. გააცივეთ და გაასუფთავეთ.
ფარში გაყავით ხუთ ტოლ ნაწილად. ხელით გააბრტყელეთ წრის ფორმით. დადეთ ნახევარი ყველის ფირფიტა. დაადეთ მოხარშული კვერცხი და ფარში კარგად შეკარით. გამოვა „მსუქანი“ კატლეტები. ამოგანგლეთ საფანელში კარგად და დაბრაწეთ ზეთში ორივე მხრიდან, ძალიან ცხელ ტაფაზე, მერე 5-7 წუთის განმავლობაში თავდახურულ ტაფაზე შეწვით.
