საჭირო ინგრედიენტები: 15 ცალი თხელი ბლინი, 500 გრამი მოხარშული ქათმის ფილე, 300 გრამი ქამა სოკო, ნახევარი ლიტრი რძე, 50 გრამი კარაქი, 40 გრამი ფქვილი, ცოტა მუსკატის კაკალი, ოხრახუში, მარილი, პილპილი, ზეთი.
მომზადების წესი: ბლინები მოამზადეთ სტანდარტული რეცეპტით.
სოუსი – სქელძირა ქვაბში გაადნეთ კარაქი. მუდმივი მორევით შეურიეთ ფქვილი და მოშუშეთ. ნელ-ნელა დაასხით ცხელი რძე. ძალიან კარგად გახსენით და მოურიეთ. მოადუღეთ სოუსი. უყავით მუსკატის კაკალი, ცოტა მარილი და პილპილი.
სოკო დაჭერით და მოხრაკეთ ზეთში. მოხარშული ქათმის ფილე ძალიან წვრილად დაჭერით. სოკო, ფილე და სოუსი შეურიეთ ერთმანეთში და დაუმატეთ წვრილად დაჭრილი ოხრახუში.
ბლინებს სათითაოდ წაუსვით ეს მასა; დაკეცეთ სამკუთხედებად და შებრაწეთ ზეთში ორივე მხრიდან.
