სტრესი, დაღლილობა, ასაკი – ჩვენ ყველანაირ ახსნას ვიყენებთ სხეულის დაღლა, რომ გავამართლოთ. თუმცა, ერთი შეხედვით უვნებელი სისუსტისა და ღამის ოფლიანობის უკან, შეიძლება ავთვისებიანი პროცესი იმალებოდეს. ონკოლოგი „ჩუმ“ ნიშნებზე საუბრობს, რომლებიც არ უნდა დავაიგნოროთ.
თუ რამდენიმე თვეში 5 კგ-ზე მეტს დაიკლებთ დიეტის ან ვარჯიშის გარეშე, ეს გამაფრთხილებელი ნიშანია. ღამის ოფლიანობა, რომელიც ტანსაცმლის ან თეთრეულის გამოცვლას მოითხოვს, ასევე შეიძლება იყოს ლიმფომისა და ფილტვის კიბოს სიმპტომი.
ექიმმა ასევე ჩამოთვალა სხვა გამაფრთხილებელი ნიშნებიც – მუდმივი სისუსტე და დაღლილობა, მუდმივი ცხელება ინფექციის გარეშე, კისერში ან საზარდულის არეში ლიმფური კვანძების შეშუპება, ხმის ჩახლეჩა, მუდმივი ხველა, სისხლი შარდში, განავალში ან ნახველში, ასევე კანსა და ლორწოვან გარსებზე ხანგრძლივი ჭრილობები.
ონკოლოგმა ხაზგასმით აღნიშნა, რომ თითოეული სიმპტომი ცალ-ცალკე არ მიუთითებს აუცილებლად კიბოზე. შემთხვევათა უმეტესობაში, მიზეზები გაცილებით კეთილთვისებიანია – ენდოკრინული დარღვევებიდან ქრონიკულ ინფექციებამდე. მაგრამ როდესაც სიმპტომები ერთმანეთს ემთხვევა ან პროგრესირებს, ექიმთან ვიზიტი არ უნდა გადაიდოს.
რისკების გამოსარიცხად, პაციენტებს შეიძლება დაენიშნოს სისხლის ანალიზები, ულტრაბგერითი გამოკვლევა, კომპიუტერული ტომოგრაფია ან მაგნიტურ-რეზონანსული ტომოგრაფია. ექიმი ინდივიდუალურად განსაზღვრავს დიაგნოსტიკური ტესტების მოცულობას.
განსაკუთრებულ საფრთხეს წარმოადგენს ჯანმრთელობის გაუარესების, სტრესის, დაღლილობის ან ასაკისთვის გადაბრალების ჩვევა. სპეციალისტმა ხაზი გაუსვა, რომ დაავადების ადრეული გამოვლენა მნიშვნელოვნად ზრდის წარმატებული მკურნალობის შანსებს.
