– 6 მედიკამენტი, რომელთა გამოყენება უზმოზე არ შეიძლება და თუ მაინც გამოიყენებთ, ამან შეიძლება კუჭიდან სისხლდენებიც კი გამოიწვიოს.
პირველი კარდიომაგნილია. მშიერზე არ დალიოთ. მით უმეტეს, თუ უკვე გულძმარვა, გასტრიტი, კუჭის ან თორმეტგოჯა ნაწლავის წყლული გაქვთ. დალიეთ მხოლოდ საკვების მიღების შემდეგ.
მეორე, ნებისმიერი ტკივილგამაყუჩებელი და სიცხის დამწევი საშუალებაა. მით უმეტეს, თუ ასაკში ხართ და ხანგრძლივი დროის განმავლობაში, მაღალი დოზებით სვამთ. ამ მედიკამენტების დროს, კუჭიდან ძალიან მძიმე სისხლდენების რისკი უფრო ხშირია.
მესამე, სტეროიდებია, ისეთი, როგორიცაა მაგალითად დექსამეტაზონი და კიდევ ბევრი სხვა – ეს მედიკამენტებიც მხოლოდ საკვების მიღების შემდეგ დალიეთ.
მეოთხე, შაქრის დამწევი საშუალებებია, როგორიცაა, მაგალითად, მეთფორმინი, იყიდება სიოფორის, გლუკოფაჟისა და ბევრი სხვა სახელწოდებით. მშიერზე გამოყენების შემთხვევაში, შეიძლება ჰიპოგლიკემია ანუ შაქრის ვარდნა გამოიწვიოს.
მეხუთე, C ვიტამინია მაღალ დოზებში, კუჭს აღიზიანებს.
მეექვსე, დოქსიციკლინია, რომლის მშიერზე მიღებაც ღებინებას იწვევს.
