იაპონიაში სასამართლომ დაქორწინებულ მამაკაცს, მოტყუებული საყვარლის სასარგებლოდ, 4,6 მილიონზე მეტი იენის (30 000 დოლარი) კომპენსაციის გადახდა დააკისრა. ამის შესახებ გამოცემა SoraNews24 წერს.
მამაკაცმა დაზარალებული ქალი საერთო ნაცნობების მეშვეობით გაიცნო, დაარწმუნა, რომ უცოლო იყო და მას დაახლოებით ორი წლის განმავლობაში ხვდებოდა. ქალი მასზე გათხოვებას და შვილების გაჩენას გეგმავდა. მან მამაკაცთან ერთად უნაყოფობის მკურნალობის კურსიც კი გაიარა და დაორსულდა.
მიუხედავად ამისა, მამაკაცი მასზე დაქორწინებას არ ჩქარობდა. საბოლოოდ, ორსულმა საყვარელმა ეჭვი აიღო, საპასუხოდ, მამაკაცი გამოუტყდა, რომ უკვე დაქორწინებული იყო და შვილებიც ჰყავდა. ბავშვის დაბადების შემდეგ, დაზარალებულმა მშობლებთან ერთად სასამართლოში სარჩელი შეიტანა და მამაკაცისგან 19 მილიონი იენის ანაზღაურება მოითხოვა. სასამართლომ მისი მოთხოვნების ნაწილი დააკმაყოფილა. სასამართლო პროცესზე მამაკაცმა ტყუილი აღიარა.
