ნეიმარმა ბრაზილიის ეროვნულ ნაკრებში კარიერის დასრულების გადაწყვეტილება მიიღო.
მსოფლიო ჩემპიონატის 1/8 ფინალში ნორვეგიასთან მარცხის (1:2) შემდეგ, ვინგერმა განაცხადა, რომ მისი დრო ნაკრებში ამოიწურა. სიმბოლურია, რომ მისი პირველი და ბოლო მატჩი ეროვნულ გუნდში ერთსა და იმავე სტადიონზე შედგა.
„ვცდილობდი, ვცდილობდი, კიდევ და კიდევ. ყველაფერი აქ, „მეტ-ლაიფ სტადიონზე“ დაიწყო და აქვე დასრულდა. ახლა ყველაფერი დამთავრებულია“, – განაცხადა ფეხბურთელმა.
ნეიმარმა ბრაზილიის ეროვნული ნაკრების შემადგენლობაში 130 მატჩი ჩაატარა, 80 გოლი გაიტანა და 59 საგოლე გადაცემა შეასრულა. ორივე ამ მაჩვენებლით ის ნაკრების რეკორდსმენია.
