საქართველოში საშუალო ტემპერატურა ზაფხულის განმავლობაში მცირედით მაღალი იქნება – ამის შესახებ გარემოს ეროვნული სააგენტოს კლიმატის სამმართველოს განყოფილების უფროსი ხათუნა ქოქოსაძე აღნიშნავს. მისივე ინფორმაციით, ტემპერატურამ შესაძლოა +42 გრადუსამდეც მოიმატოს.
“საქართველოში საშუალო ტემპერატურა ზაფხულის განმავლობაში მცირედით მაღალი იქნება, ხოლო ნალექი ნორმის ფარგლებში. ცალკეულ პერიოდებში შესაძლებელია ტემპერატურის მომატება, დაბლობსა და ბარში +39 +42 გრადუსამდე, მთიან ზონაში +37 +40 გრადუსამდე, ხოლო მაღალ მთიან ზონაში +33 +37 გრადუსამდე.
ზაფხულის პერიოდის განმავლობაში შესაძლებელია ზაფხულისთვის დამახასიათებელი მოვლენები, როგორიც არის – გვალვა, თბური ტალღები და ასევე ცალკეულ პერიოდებში შესაძლებელია ძლიერი ნალექიც”, – აღნიშნავს ხათუნა ქოქოსაძე.
