ყაზახეთის დედაქალაქ ასტანაში პარაძიუდოში მსოფლიოს ჩემპიონატი მიმდინარეობს. პარაძიუდოისტმა რევაზ ჩიკოიძემ (+95 კგ. კატეგორია J2) მესამე ადგილისთვის შეხვედრაში ყაზახი თალგატ აჟგალიევი დაამარცხა და ბრინჯაოს მედალი მოიპოვა.
საქართველოს ანგარიშზე ექვსი მედალია და საერთო ჩათვლაში პირველ ადგილზეა. ჩემპიონობა გიორგი ქალდანმა (-70 კგ. კატეგორია J2), საბა ბაღდავაძემ (- 81 კგ. კატეგორია J1) და ზვიად გოგოჭურმა (- 95 კგ. კატეგორია J2) იზეიმეს. ბრინჯაოს მედლებს კი ზურაბ ზურაბიანი (- 64 კგ. კატეგორია J2) და ლაშა ყიზილაშვილი (-95 კგ. კატეგორია J2) დაეუფლნენ.
ქართველი პარასპორტსმენები ტურნირზე საქართველოს სპორტის სამინისტროს მხარდაჭერით იმყოფებიან.
დატოვეთ კომენტარი