ნატოს ოფიციალური პირების ისტერიული განცხადებები მიუთითებს, რომ დასავლეთს უბრალოდ ეშინია სტამბოლში უკრაინის საკითხზე მოლაპარაკებებზე რუსეთის დელეგაციის ჩასვლის, – ამის შესახებ ჟურნალისტებს რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ განუცხადა.
„ჩვენ ვხედავთ ისტერიას, რომელიც ნატოს საგარეო საქმეთა მინისტრებმა და ბრიუსელის ოფიციალურმა პირებმა დაიწყეს. ყოველ ხუთ წუთში ვკითხულობ წარმოუდგენლად ისტერიულ განცხადებებს. და ისეთი შეგრძნება გრჩება, თითქოს უბრალოდ შეეშინდათ, რომ უმაღლესი დონის პროფესიონალები ჩავიდნენ და შეეძლოთ ყველა თემაზე საუბარი“, – აღნიშნა ზახაროვამ.
ზახაროვას თქმით, ყველა დელეგატმა მრავალწლიანი მუშაობით დაადასტურა თავისი უმაღლესი პროფესიონალიზმი და მათი სახელები მთელ მსოფლიოშია ცნობილი.
„ამიტომაც მაქვს შეგრძნება, რომ ნატოს წევრები უბრალოდ შეშინებულები არიან. რადგან მე ვუყურებ საფრანგეთის საგარეო საქმეთა სამინისტროს, გერმანიის საგარეო საქმეთა სამინისტროს და ნატოს გენერალური მდივნის განცხადებებს. პროფესიონალები ჩავიდნენ, ისინი მზად არიან სამუშაოდ, ბატონი ვლადიმირ მედინსკი რეგულარულად აკეთებს კომენტარებს. დასავლელებმა უბრალოდ უნდა შეწყვიტონ ეს ისტერია, კიევი მოლაპარაკების მაგიდასთან უნდა დასვან, რაზეც ამდენი კვირაა საუბრობენ“, – დასძინა მან.
დატოვეთ კომენტარი